Maswali yaliyoulizwa mara nyingi :

Je naweza kutumia e-Mikutano wakati wa usiku?

Ndio, mfumo wa e-Mikutano unapatikana muda wote katika siku zote za juma. Unachotakiwa kufanya ni kupanga mapema muda wa kufanya mkutano na kisha kutuma maombi ya kuwekewa nafasi kupitia linki iliyopo kwenye ukurasa wa kwanza wa e-mikutano.

Je naweza kuanzisha mkutano bila kuomba ruhusa au kuweka nafasi kabla?

Hapana, ni muhimu kufanya maombi ya mkutano kabla ya muda. Inashauriwa kupanga mkutano wako mapema na kuweka nafasi kwenye mfumo siku mbili kabla kwani waombaji ni wengi.

Je mtu yeyote anaweza tuma maombi ya kuwekewa nafasi ya mkutano kwenye mfumo e- mikutano?

Hapana, mfumo huu ni kwa ajili ya Taasisi za Umma, wanaoweza kuomba nafasi kwenye mfumo ni Afisa TEHAMA wa taasisi husika kupitia jina na nywila zake anazotumia kwenye mfumo wa GISP ( https://gisp.gov.go.tz/login )

Ni siku zipi au muda gani ninaruhusiwa kuomba nafasi ya kufanya mkutano?

Unaweza kuomba nafasi ya kufanya mkutano muda wowote. Nafasi utakayopewa inategemea na waombaji wengi waliokutangulia. Mfumo unakuruhusu kuchagua siku, muda wa kuanza mkutano na kiasi cha muda ambacho mkutano utatumia.

Ili kufanya maombi ya nafasi ya mkutano inanitaka niweke jina na nywila. Je naweza kujisajili kwa njia gani ili kupata jina na nywila za kuingilia kwenye mfumo wa kuombea nafasi?

Anaetakiwa kuomba nafasi ya mkutano ni afisa TEHAMA wa Taasisi aliesajiliwa kwenye mfumo wa GISP kwa niaba ya Taasisi husika. Jina na nywila anayotumia kuingilia kwenye mfumo wa GISP ndio zinatumika kuingilia kwenye mfumo wa kuombea nafasi za mkutano.

Nimeshindwa kuipata e-Mikutano simu App kwenye Playstore na iStore?

App ya e-Mikutano inapatikana kwenye linki iliyopo ukurasa wa kwanza wa tovuti ya e-Mikutano. Gonga linki hiyo na kisha pakua mfumo.

Mbona e-Mikutano App haikubali kusakinisha (install) kwenye simu yangu?

App ya e-Mikutano inatumika kwa simu za Android tu na zenye mfumo endeshi (OS) kuanzia tolea la 7.

Mfumo wa e-Mikutano unatakaa kuunganishwa kwenye kivinjari changu.

Mfumo huu kwasasa unapatikana kwa kutumia kivinjari cha Google Chrome na Chromium.

Tufanyeje kuendelea na mkutano kama tupo kwenye Mtandao usio imara?

Inashauriwa kufifisha(mute) video kwa baadhi ya wajumbe au wote na kuendelea na kuwasiliana kwa sauti tu ili kuongeza ubora.

Naweza kuwaona washiriki wote lakini wao hawanioni. Nini tatizo?

Angalia kama kamera yako imewashwa au kivinjari chako kimeruhusu e-mikutano kutumia kamera yako. Kama ruhusa imetolewa basi angalia kama kamera yako haijazibwa na kitu na jaribu kukifuta.

Ni idadi ya watu wangapi nina ruhusiwa kuwaalika kwenye mkutano wangu?

Inaruhusiwa kualika mpaka watu 20 kwa mkutano mmoja. Kama kuna ulazima wa kuwa na wajumbe zaidi ya 20 kwenye mkutano unashauriwa kuwasiliana na Mamlaka ya Serikali Mtandao kwa msaada zaidi.

Nawezaje kuzuia mtu asiehusika kuingia kwenye mkutano wetu?

Ni muhimu kutoa au kugawa namba na nywila ya mkutano kwa wahusika kwa kutumia njia sahihi na yenye usiri na usalama. Wahusika hawatakiwi kuitoa namba na nywila ya mkutano kwa mtu asiyehusika pia kabla ya muda wa mkutano kuhakikisha wanaiweka kwenye kumbukumbu salama.

Kuna muingiliano wa sauti kati ya mtu anaeongea na nyingine zinazoleta kelele na kufanya kutosikilizana vizuri. Nini kifanyike?

Inashauriwa kama mshiriki hazungumzi basi ni muhimu azime au afifishe kinasa sauti chake. Kwani kinasa sauti kina tabia ya kuchukua sauti za mazingira mtu alipo na kuziingiza kwenye mfumo hivyo kuleta mchanganyiko na sauti ya mzungumzaji unaopelekea kuwa na kelele.

MAMLAKA YA SERIKALI MTANDA0

e-Mikutano